Bakıda avtobus və metro istifadəçiləri rekord qırdı

Bakıda yeni tədris ilinin başlanması ilə əlaqədar olaraq avtobuslardan istifadə edən sərnişinlərin sayı rekord həddə çatıb. Ötən gün ərzində Bakı şəhərində 2 milyondan çox sərnişin avtobuslarla daşınıb. Bu, ötən ilin eyni günü ilə müqayisədə 18% artım deməkdir ki, bu da təxminən 300 min nəfər çoxdur.

Minval.info xəbər verir ki, “Bakı Metropoliteni” QSC-nin məlumatına görə, sentyabrın 15-də metrodan 605 081 sərnişin istifadə edib. Bu göstərici avqust ayının ən yüksək göstəricisi olan 548 751 sərnişinlə müqayisədə 9,3% artım göstərir. Beləliklə, dərs ilinin ilk günü həm avtobus, həm də metro istifadəçiləri üçün rekord bir gün olub.