Bakı yollarında yenidənqurma: Həsən və rövşən əliyev küçələrində hərəkət dayanır

Həsən Əliyev və Rövşən Əliyev küçələrində nəqliyyatın hərəkəti müvəqqəti olaraq məhdudlaşdırılacaq. Bu addım “Koroğlu” metrostansiyasına yeni avtomobil yolunun tikintisi layihəsi çərçivəsində həyata keçirilən yenidənqurma işləri ilə əlaqədardır.

Minval.info xəbər verir ki, Azərbaycan Yerüstü Nəqliyyat Agentliyindən verilən məlumata görə, avqustun 7-si saat 00:00-dan etibarən Həsən Əliyev küçəsinin Aşıq Molla Cümə və Koroğlu Rəhimov küçələri arasındakı hissəsində, həmçinin Rövşən Əliyev küçəsinin Böyük İpək Yolu və Araz küçələri arasındakı hissəsində nəqliyyat vasitələrinin hərəkəti tamamilə dayandırılacaq.

Sürücülərə hərəkət istiqamətlərini əvvəlcədən planlaşdırmaları, alternativ marşrutlardan istifadə etmələri və ərazidə quraşdırılmış müvəqqəti yol nişanlarına əməl etmələri tövsiyə olunur.