Azərkimya-da modernizasiya: 95% hazırlıq tamamlandı

Azərkimya İstehsalat Birliyində istehsal gücünün artırılması ilə bağlı yeni layihələr planlaşdırılmasa da, modernizasiya və yenidənqurma işləri davam etdirilir. 2016–2021-ci illərdə həyata keçirilən layihələr çərçivəsində Azərkimya-nın istehsal imkanları SOCAR Polymer və müəssisənin daxili tələbatı nəzərə alınaraq artırılıb. Bu layihə nəticəsində etilen üzrə istehsal gücü 40 faiz, propilen üzrə isə 70 faiz artmışdır.

Minval.info xəbər verir ki, Azərkimya-nın proses üzrə direktor əvəzi Samir Səlimli hazırda aktiv mərhələdə olan yeni modernizasiya və yenidənqurma layihəsinin avtomatika və idarəetmə sistemlərinin yenilənməsini əhatə etdiyini bildirib. Mühəndislik fazasının 95 faiz tamamlandığını və növbəti ildən etibarən sahə işlərinə başlanacağını qeyd edib.

Azərkimya İstehsalat Birliyinin əsas məhsulları etilen və propilendir. Müəssisə bu məhsulları Avropa bazarına ixrac etməyi hədəfləyir və istehsal gücündən 85%-dən çox istifadə etməyi planlaşdırır.