Azərbaycan və Dünya Bankı: Yeni inkişaf perspektivləri

Bu gün Azərbaycan Respublikasının Baş naziri Əli Əsədov, Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüş keçirib. Görüşdə Azərbaycan ilə Dünya Bankı arasında uzunmüddətli və səmərəli tərəfdaşlığın mövcud olduğu vurğulanıb. Ötən dövr ərzində birgə həyata keçirilmiş layihələrin ölkənin sosial-iqtisadi inkişafına verdiyi töhfələr müzakirə edilib.

Minval.info xəbər verir ki, görüşdə dayanıqlı şəhər inkişafı, yaşıl enerji, nəqliyyat infrastrukturu, kənd təsərrüfatı, su təchizatı və su ehtiyatlarının idarə olunması kimi sahələrdə əməkdaşlığın genişləndirilməsi üçün yaxşı imkanların olduğu qeyd olunub. Həmçinin, Azərbaycan ilə Dünya Bankı arasında qarşılıqlı faydalı tərəfdaşlığın inkişaf perspektivləri və gələcək birgə layihələr müzakirə edilib.

Görüşdə Azərbaycan Respublikası Mərkəzi Bankının sədri Taleh Kazımov da iştirak edib.