Arxası üstə yatmaq təhlükəsi: Kimlərə olmaz?

Kardioloq Aurelio Roxas bəzi insanlara arxası üstə yatmaqdan çəkinməyi tövsiyə edir. Mütəxəssisin fikrincə, obstruktiv yuxu apnesi sindromu olan şəxslər üçün böyrü üstə yatmaq daha məqsədəuyğundur. Bu vəziyyət gecə ərzində tənəffüsün pozulması hallarını azalda bilər. Minval.info xəbər verir ki, kardioloq qastroezofageal reflüksdən əziyyət çəkən insanlara sol böyrü üstə yatmağı məsləhət görüb. Bu, mədə-bağırsaq sistemində yaranan narahatlığın azalmasına kömək edə bilər. Hamiləlik dövründə isə, xüsusilə qarın böyüdükcə, sol böyrü üstə yatmaq tövsiyə olunur. Bununla belə, boyun və ya onurğa ilə bağlı problemi olan qadınların özləri üçün ən rahat yuxu vəziyyətini seçməsinin daha vacib olduğu qeyd edilib.