"Azərsu" sözçüsü suyun nə zaman veriləcəyini AÇIQLADI

Kür və Ceyranbatan sutəmizləyici qurğularına elektrik enerjisinin verilişi bərpa olunub.

“Azərsu” ASC-nin mətbuat xidmətinin rəhbəri Anar Cəbrayıllı “APA-Economics”ə bildirib ki, qurğularda suyun emalına, paralel olaraq magistral kəmərlərin su ilə doldurulmasına başlanılıb. Onun sözlərinə görə, mərhələli şəkildə aparılan işlərin nəticəsi olaraq tam rejim bu gün səhər saatlarında mümkün olacaq.

“Azərsu” rəsmisi qeyd edib ki, Oğuz-Qəbələ-Bakı su kəmərini qidalandıran quyulara isə elektrik enerjisinin verilişi hələlik bərpa olunmayıb.