Azərbaycanlı hərbçiylə bağlı məsələ böyüyür - Gürcü ombudsman işə qarışdı
Xəbər verdiyimiz kimi, Gürcüstanın Krtsanisi təlim mərkəzində baş vermiş insident nəticəsində 20 yaşlı azərbaycanlı çağırışçı Elcan Əfəndiyev klinikaya yerləşdirilib.
“Qafqazinfo” Gürcüstan mediasına istinadən xəbər verir ki, hadisəni Gürcüstanın ombudsman aparatı nəzarətə götürüb. Bu barədə ombudsman Nino Lomcariya jurnalistlərə açıqlamasında özü bildirib.
“Krtsanisi təlim mərkəzində yeni çağırışçılar arasında mübahisə olub. Emosional fonda yaranmış mübahisə zamanı əsgərlərdən birinin səhhəti pisləşib və klinikaya yerləşdirilib. Onun hər hansı fiziki zədəsi yoxdur”, – deyə Müdafiə Nazirliyinin bəyanatında bildirilir.
Əfəndiyev özü və valideynləri isə bunun əksini söyləyir. Elcanın atası Elbrus Əfəndiyev “Rustavi 2” kanalına müsahibəsində oğlunun bir neçə şəxs tərəfindən döyüldüyünü deyib:
“Oğlum təxminən 3 gündür Krtsanisi təlim mərkəzində xidmət edirdi. Davadan sonra o özü mənimlə əlaqə saxlayıb dedi ki, onu xəstəxanaya aparırlar. Oğlum bildirdi ki, onu başqa otağa aparıblar və bir neçə şəxs tərəfindən döyülüb. O, başından travma alıb”.
ƏLAQƏLİ
Azərbaycan hərbçiləri Pakistanda keçirilən təlimlərdə müvəffəqiyyət qazandı
İnsident, həmçinin, Gürcüstanın Müdafiə Nazirliyinin hərbi polisinin nəzarətinə götürülüb. Nino Lomcariya hadisə ilə bağlı zərərçəkənlərə baş çəkməyə hazır olduqlarını qeyd edib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Məkkə Sazişi bölgədə yeni təhlükəsizlik dinamikası yaradır
Azərbaycan hərbçiləri Pakistanda keçirilən təlimlərdə müvəffəqiyyət qazandı
Zakir Həsənov və Yaşar Gülər Şuşada görüş keçirdi
Azərbaycan ordusunda müasir artilleriya sistemləri lokallaşdırılır
Azərbaycan və Çin minatəmizləmə sahəsində əməkdaşlıq müzakirə edir
Azərbaycan, Türkiyə və Özbəkistanın birgə hərbi təlimi başa çatdı
Birliyin gücü - 2026 hərbi təlimində müşahidəçi günü keçirilib
