Azərbaycanda vergi yoxlamalarından yayınmağın dəyəri: 200 min manatlıq rüşvət əməliyyatı ifşa olundu

Azərbaycanda vergi yoxlamalarının keçirilməməsi üçün rüşvət almaqda ittiham olunan bir neçə vəzifəli şəxs həbs edilib.

Minval.info xəbər verir ki, Baş prokuror yanında Korrupsiyaya qarşı Mübarizə Baş İdarəsi və İqtisadiyyat Nazirliyi yanında Dövlət Vergi Xidmətinin birgə açıqlamasına əsasən, bu şəxslərin qanunsuz əməlləri ilə bağlı araşdırmalar aparılıb.

Baş Prokurorluq tərəfindən dövlət orqanları ilə birgə həyata keçirilən tədbirlər çərçivəsində, Dövlət Vergi Xidmətinin bəzi əməkdaşlarının qanunsuz fəaliyyətləri ilə bağlı məlumatlar əsasında cinayət işi açılıb.

ƏLAQƏLİ

Bunu da oxu

Kamran əsədovun ev dustaqlığı istəyi rədd edildi: Məhkəmədə yeni şahid ifadələri ortaya çıxdı

03.08.2026 - 18:27

İlkin istintaq nəticəsində, DVX-nin Bakı şəhəri Operativ vergi nəzarəti və uçotun təşkili baş idarəsinin rəis müavini Rüstəm Mirzəyev və həmin idarənin 4-cü şöbəsinin rəisi Kənan Məmmədovun, 2026-cı ilin may ayında Bakı şəhərindəki ticarət mərkəzlərindən birində fəaliyyət göstərən sahibkarlardan vergi yoxlamalarının keçirilməməsi üçün ümumilikdə 200 min manat rüşvət aldıqları müəyyən edilib.

Toplanmış sübutlar əsasında, hər iki şəxsə Cinayət Məcəlləsinin 311.3.1 və 311.3.3 maddələri ilə ittiham irəli sürülüb və Bakı şəhəri Binəqədi Rayon Məhkəməsinin qərarı ilə həbs qətimkan tədbiri seçilib. Hazırda cinayət işi üzrə istintaq davam etdirilir və digər iştirakçıların da məsuliyyətə cəlb olunması üçün tədbirlər görülür.