Azərbaycanda mənzillər BAHALAŞIB

İqtisadi və Sosial İnkişaf Mərkəzi (CESD) iyun ayı üçün istehlak bazarında qiymət artımları ilə bağlı monitorinq nəticələrini yekunlaşdırıb. Moniotinqə əsasən, mənzil bazarında qiymət artımları davam edib.

“Minval.info” xəbər verir ki, bu barədə Oxu.az-a İqtisadi və Sosial İnkişaf Mərkəzindən məlumat verilib.

Xüsusən qiyməti 100 min manatadək olan mənzillərə tələbin artması müşahidə olunub. Bu qəbildən olan mənzillərin qiymətində 7 faiz artım qeydə alınıb.

100-300 min manat qiymət aralığında təklif olunan mənzillər 4 faiz dəyər qazanıb. 300 min manatdan baha təklif edilən mənzillərin qiymətində isə xüsusi dəyişiklik qeydə alınmayıb.