Hindistanda bank soyğunçusu bibər tozuyla yaxalandı

Hindistanda 28 yaşlı bir şəxs bank əməkdaşlarına hücum edərək soyğun həyata keçirməyə cəhd edib. O, əməkdaşların üzünə bibər tozu ataraq onları çaşdırıb və pul çantasını götürərək qaçmağa çalışıb. Hadisə sentyabrın 10-da baş verib.

Minval.info xəbər verir ki, bank əməkdaşları bankomatdan pul götürdükdən sonra filiala qayıdarkən şübhəli şəxs arxadan yaxınlaşaraq onların üzünə bibər tozu səpib. Əməkdaşlar dərhal onun arxasınca düşüblər. Həmin vaxt ərazidə patrul xidməti aparan polis əməkdaşları da hadisədən xəbər tutaraq təqibə qoşulublar. Şübhəli şəxs uzağa gedə bilmədən saxlanılıb və oğurladığı pulun tamamı polis tərəfindən geri qaytarılıb. Saxlanılan şəxsin 28 yaşlı Suraj Borkar olduğu müəyyənləşdirilib.