11 sentyabrın gizli şahidi: Holli Ratçford ortaya çıxdı

ABŞ-da 11 sentyabr 2001-ci il terror aktları ilə bağlı yeni bir şahid ortaya çıxıb. Bu şəxs, terrorçularla əlaqəli şəxslərə ev təmin edən Holli Ratçforddur. 2000-ci ildə Səudiyyə Ərəbistanı vətəndaşı Ömər əl-Bəyumiyə ev kirayələyən Ratçford, daha sonra terror aktlarında iştirak edən Nəvaf əl-Həzmi və Xalid əl-Mihdarı öz yaşadığı binada yerləşdirməyə kömək edib.

Minval.info xəbər verir ki, 11 sentyabr hadisələrindən sonra FTB, əl-Bəyumini və onun terrorçularla əlaqələrini araşdırıb. Hadisədən sarsılan Ratçford, işini tərk edərək şəhəri tərk edib və uzun illər insanlardan uzaq bir həyat sürüb. BBC jurnalisti tərəfindən tapılan Ratçfordun açıqlamaları, 11 sentyabr hücumları ilə Səudiyyə Ərəbistanı arasındakı mümkün əlaqələri yenidən gündəmə gətirib.