Müəllimlərin maaşı 35 faiz artır!

Sertifikatlaşdırma prosesindən uğurla keçən 31 min müəllimin maaşına 35 faiz artım tətbiq ediləcək. Bu barədə Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov Təhsil işçilərinin sentyabr konfransında məlumat verib.

Minval.info xəbər verir ki, Eşqi Bağırov müəllimlərin peşəkar inkişafı istiqamətində həyata keçirilən sertifikatlaşdırma prosesinin ilk mərhələsinin bu il başa çatdığını qeyd edib. O bildirib ki, bütün fənn müəllimləri bu prosesdə ən azı bir dəfə iştirak ediblər və onların ümumi sayı təxminən 105 minə çatır.