Azərbaycan qazının Türkiyəyə nəqli 130 milyarda çatdı

Azərbaycan-Türkiyə V Enerji Forumu çərçivəsində keçirilən ikitərəfli görüşdə energetika naziri Pərviz Şahbazov mühüm açıqlamalar verib. O bildirib ki, indiyədək neft-qaz infrastrukturu vasitəsilə Azərbaycandan Türkiyəyə və Türkiyə üzərindən beynəlxalq bazarlara ümumilikdə 761 milyon ton neft və 196 milyard kubmetr qaz tədarük edilib.

Minval.info xəbər verir ki, nazirin sözlərinə görə, bu müddət ərzində Türkiyəyə 130 milyard kubmetr Azərbaycan qazı nəql olunub və bunun 40 milyard kubmetri TANAP layihəsi çərçivəsində həyata keçirilib. Cari ilin ilk 8 ayında isə Türkiyəyə 6.2 milyard kubmetr, Türkiyə üzərindən Avropa ölkələrinə 7.5 milyard kubmetr, Suriyaya isə bir milyard kubmetr Azərbaycan qazı çatdırılıb.