Azərbaycan “Minsk 2019”da neçəncidir? - Medal sıralaması

Ötən gün Belarusun paytaxtı Minskdə keçirilən II Avropa Oyunlarında sərbəst güləşçimiz Hacı Əliyevin qızıl medal qazanması Azərbaycanın mövqeyini bir qədər yaxşılaşdırıb.

İndiyədək aktivində 16 medal olan Azərbaycan medal sıralamasında 15-ci pillədə qərarlaşıb. Bu medallardan ikisinin əyarı qızıl, 5-i gümüş, 9-u isə bürüncdür.

Qeyd edək ki, siyahıya 72 medalla Rusiya başçılıq edir. Təkcə şimal qonşumuzun aktivində 32 qızıl medal var. Rus idmançılar 16 gümüş, 24 bürünc medal qazanıblar.