ATƏT sədrinin Bakıya xüsusi səfəri: Yeni geosiyasi reallıqlar nələrdir?

ATƏT-in hazırkı sədri və İsveçrənin xarici işlər naziri İnyatsio Kassis, avqustun 4-5-də Azərbaycana rəsmi səfər edib. Bu səfər, regionda baş verən hadisələr və sülh prosesləri ilə bağlı geniş maraq doğurub.

Minval.info xəbər verir ki, Kassis, avqustun 4-də Azərbaycanın xarici işlər naziri Ceyhun Bayramovla görüşərək, Azərbaycan-Ermənistan sülh prosesi və regional məsələləri müzakirə edib. Səfər çərçivəsində Kassis, Türkmənistana da gedəcək.

Diqqət çəkən məqam odur ki, ATƏT sədri Cənubi Qafqaz ölkələri arasında yalnız Bakıya səfər edib və Gürcüstan və Ermənistana səfəri payızda planlaşdırılır.

ƏLAQƏLİ

Bunu da oxu

U-21 millisinin heyətində sürpriz ad: Axundzadə!

19.09.2026 - 14:22

Milli Məclisin deputatı Arzuxan Əlizadə, ATƏT sədrinin Azərbaycana səfərinin Cənubi Qafqazda yeni geosiyasi reallıqlar və regional təhlükəsizlik məsələləri ilə bağlı olduğunu bildirib. O qeyd edib ki, 44 günlük Vətən müharibəsindən sonra regionda yaranan yeni vəziyyət, beynəlxalq təşkilatların fəaliyyət prioritetlərinə təsir edib. Əsas diqqət sülh sazişinin imzalanması, nəqliyyat-kommunikasiya layihələrinin həyata keçirilməsi və iqtisadi inteqrasiyanın genişləndirilməsinə yönəlib.

Deputatın fikrincə, ATƏT sədri bu səfərlə Azərbaycanın mövqeyini birbaşa öyrənmək və təşkilatın gələcək fəaliyyət istiqamətlərini müəyyənləşdirmək məqsədi güdür. Bu səfər, həmçinin Azərbaycanın beynəlxalq münasibətlər sistemində artan nüfuzunun göstəricisidir.