Anar Bayramov daha bir xəstəxana direktorunu yola salır - FOTO

Sumqayıt Tibb Mərkəzinin direktoru Elnur Azadxanovn işdən çıxarılacağı iddia edilir. Minval.info xəbər verir ki, yayılan məlumata görə, bununla bağlı direktorun ərizəsi alınıb.

İddiaya əsasən, yaxın vaxtlarda TƏBİB-in icraçı direktoru Anar Bayramov onun vəzifədən azad olunması barədə əmr imzalayacaq.

Məsələ ilə bağlı Elnur Azadxanovdan münasibət almaq mümkün olmayıb. TƏBİB isə bildirib ki, hazırda onun işdən azad olunması ilə bağlı hər hansı əmr mövcud deyil.

Qeyd edək ki, Elnur Azadxanov Sumqayıt Tibb Mərkəzinin direktoru vəzifəsinə 30 dekabr 2023-cü ildə təyin edilib. O, 2021-ci ildə “Tərəqqi” medalı ilə təltif olunub, həmçinin Azərbaycan Kardiologiya Cəmiyyətinin, Avropa Kardioloqları Cəmiyyətinin və Türk Dünyası Kardioloqları Birliyinin üzvüdür.

BakuPost