“Alimlər şəhərciyi”nin təməli qoyuldu - Alimlər üçün ev tikilir

Abşeron rayonunun Saray qəsəbəsində yerləşən “Alimlər şəhərciyi”ndə Azərbaycan Milli Elmlər Akademiyasının əməkdaşları üçün tikiləcək kooperativ yaşayış kompleksinin təməlqoyma mərasimi keçirilib. 

Minval.İnfo ATV.az-a istinadən xəbər verir ki, “Alimlər şəhərciyi”nin salınmasında məqsəd  elm adamlarının mənzil şəraitinin yaxşılaşdırmaqdır.  Azərbaycan Milli Elmlər Akademiyasının prezidenti Akif Əlizadə deyib ki,  şəhərciyin salınması  akademiyanın tarixində ilk dəfə belə böyük bir layihəyə imza atılır. Qeyd edək ki, Akadmiyaya məxsus  7 hektarlıq ərazidə reallaşdırılacaq layihə çərçivəsində, ümumilikdə 1928 mənzilin istifadəyə verilməsi nəzərdə tutulur. İlk binanın inşası 2 ilə başa çatdırılacaq.  Mənzillər 1, 2 və 3 otaqlı olacaq və alimlərə təmirlıi şəkildə  təqdim ediləcək. Bundan başqa yaşayış ompleksinin həyəti və ətrafında böyük parklar salınacaq.