Namiq Qaraçuxurlunun klip çəkilişində ilan qorxusu!

Meyxanaçı Namiq Qaraçuxurlu, Xalq artisti Aygün Kazımova ilə birlikdə çəkilən yeni duet klipinin kadrarxası görüntülərini izləyiciləri ilə bölüşüb. Klipin çəkilişləri otluq bir sahədə baş tutub və bu zaman Namiq Qaraçuxurlu qorxu dolu anlar yaşadığını bildirib. Meyxanaçı, “May ayında kim belə yerə girər? Qorxuludur” sözləri ilə ərazidə ilanların olmasından narahatlığını ifadə edib.

Minval.info xəbər verir ki, Namiq Qaraçuxurlu və Aygün Kazımova 16 ildən sonra “Gəlirəm” adlı yeni duetlərini təqdim ediblər. Klipin çəkilişləri may ayında baş tutsa da, musiqisevərlərə sentyabr ayında təqdim olunub.