Aliment borcunda şok iddia: İcra məmurundan "pulu olsa verər" cavabı!

Sumqayıtda yaşayan İradə Etibar qızı Şirməmmədova, redaksiyamıza müraciət edərək, aliment borcunun ödənilməməsi ilə bağlı şikayətini bildirdi. O, Sumqayıt Şəhər Məhkəməsinin 2015-ci il tarixli qərarı ilə Azad Fərhad oğlu Məmmədovdan boşandığını və qızının onun himayəsində qalmasına qərar verildiyini qeyd edir. 2016-cı ildə isə məhkəmə, Azad Məmmədovun hər ay 100 manat aliment ödəməsini qərara alıb.

Minval.info xəbər verir ki, buna baxmayaraq, Azad Məmmədov bu günə qədər aliment borcunu ödəməkdən yayınıb və bu məbləğ artıq 3000 manata çatıb. İcra məmurları isə bu məsələdə öz vəzifələrini yerinə yetirmədikləri üçün borclunun məsuliyyətdən yayınmasına şərait yaradırlar. İcra məmuru Samir Məmmədovun bu işlə bağlı heç bir tədbir görmədiyi iddia edilir.

İradə Şirməmmədova, Ədliyyə Nazirliyinin Qaynar xəttinə müraciət etsə də, Samir Məmmədovun müxtəlif bəhanələrlə suallardan yayındığını bildirir. O, icra məmurunun “pulu olsa verər” kimi ifadələr işlətməsini narazılıqla qarşılayır və bu vəziyyətin ona şübhə yaratdığını qeyd edir.

ƏLAQƏLİ

Bunu da oxu

Gəncədə yağışın yaratdığı xaos: Evlər su altında, sakinlər çıxılmaz vəziyyətdə

10.08.2026 - 20:41

Ədliyyə Nazirliyindən verilən məlumata görə, Sumqayıt Şəhər Məhkəməsinin qərarına əsasən, Azad Məmmədovdan hər ay 100 manat alimentin tutulması və İradə Məmmədovaya ödənilməsi nəzərdə tutulur. Lakin bu məbləğ müntəzəm ödənilmədiyindən, məcburi icra tədbirləri həyata keçirilir və icra sənədi nəzarətdə saxlanılır.