AFFA-dan sərt qərar - “Neftçi”nin məşqçisinə 20 oyunluq cəza

Bu gün AFFA İntizam Komitəsinin növbəti iclası keçirilib.

Minval.info xəbər verir ki, aparılan müzakirələrdən sonra Azərbaycan Premyer Liqasının 3-cü turu ilə bağlı aşağıdakı qərarlar qəbul olunub:

“Zirə” – “Sabah” matçında “Zirə”nin 5 futbolçusu sarı vərəqə ilə cəzalandığı üçün klub 800 manat cərimə olunub.

ƏLAQƏLİ

Bunu da oxu

Ağdam, Xocalı və Laçın sakinlərinə damazlıq heyvanların paylanılmasına başlandı

21.10.2026 - 15:54

“Neftçi” – “Sumqayıt” matçının 82-ci dəqiqəsində “Sumqayıt”ın futbolçusu Murad Xaçayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 200 manat cərimə olunub.

Oyunun 90+4-cü dəqiqəsində “Neftçi”nin futbolçusu Anton Krivotsyuk ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klubu 200 manat cərimə olunub.

Oyunun 90+4-cü dəqiqəsində “Sumqayıt”ın futbolçusu Vurğun Hüseynov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalanıb, klubu 2400 manat cərimə olunub.

ƏLAQƏLİ

Bunu da oxu

Bakıda tıxacları azaltmağın yeni üsulu: təmir işləri gecə aparıla bilər

21.10.2026 - 14:14

Oyunun 90+4-cü dəqiqəsində “Neftçi”nin məşqçisi Etibar Tarıverdiyev rəqib klubun baş məşqçisi Ayxan Abbasova əl ilə zərbə vurduğuna görə 20 oyun cəzalanıb, klubu 16000 manat cərimə olunub.

“Sumqayıt”ın baş məşqçisi Ayxan Abbasov mətbuat konfransında aqressiv fikirlər səsləndirdiyinə görə, İntizam Komitəsinin 28 avqust 2019-cu il tarixli iclasında Ayxan Abbasov haqqında çıxarılmış ciddi xəbardarlıq qərarı da nəzərə alınmaqla 1 oyun cəzalanıb, klubu 800 manat cərimə olunub.

Oyun başa çatdıqdan sonra “Neftçi” klubuna aid olan, amma A buraxılış vəsiqəsi olmayan şəxslər meydançaya daxil olduğu üçün klub 800 manat cərimə olunub.

ƏLAQƏLİ

Bunu da oxu

Sabahdan bəzi yerlərdə leysan yağacaq

20.10.2026 - 15:34