44 bədii filmi üzərində iş başa çatıb

“44” bədii filmi üzərində iş yekunlaşıb.

Minval.info xəbər verir ki, bu barədə Azərbaycan Prezidentinin köməkçisi Anar Ələkbərov sosial şəbəkə hesabında paylaşım edib. O, filmin ərsəyə gəlməsində iştirak edən yaradıcı heyət, çəkiliş qrupu, aktyorlar və müxtəlif sahələr üzrə mütəxəssislərə təşəkkürünü bildirib.

Ələkbərov qeyd edib ki, layihə məsuliyyətli idi və onun həyata keçirilməsi asan olmayıb. O, həmçinin premyeraya yaxın filmlə bağlı daha ətraflı məlumat verəcəyini vurğulayıb.

Dahi bəstəkar Tofiq Quliyev 108 il əvvəl doğulub

ƏLAQƏLİ

Bunu da oxu

Dahi bəstəkar Tofiq Quliyev 108 il əvvəl doğulub

07.11.2026 - 10:24

Premyera bu ilin payızında planlaşdırılır. Film, bir kursantın gözü ilə canlandırılan qəhrəmanlıq və məhəbbət dramıdır. Ekran işində Vətənin müdafiəsi uğrunda mübarizə aparan bir nəslin ruhu, iradəsi və fədakarlığı əks olunur.

Süjetin mərkəzində Xüsusi Təyinatlı Qüvvələrin zabiti Rəşad Xəlilov, türk həkim-ortoped Zeynəb Özdəmir və xüsusi əməliyyat qrupunun komandiri polkovnik Ramazan Kərimov dayanır. Filmdə sevgi və şəxsi sınaqlar xətti ilə paralel gərgin hərbi əməliyyatlar cərəyan edir.

“44” yalnız müharibə haqqında film deyil. Bu, Vətən sevgisi ilə döyünən, ümidini itirməyən və torpaqlarının azadlığı uğrunda mübarizə aparan Azərbaycan xalqının hekayəsidir. Film, Ali Baş Komandanın dəmir yumruğu, xalqın birliyi və igid oğullarımızın qəhrəmanlığı ilə qazanılmış tarixi Zəfərin bədii salnaməsidir.