Zelenski Vaşinqtona gedib

Prezidentinin ABŞ-a işgüzar səfəri başlayıb

Ukrayna Prezidenti Vladimir Zelenski Vaşinqtona işgüzar səfər edib. Minval.info xarici mediaya istinadən bildirir ki, Zelenski sentyabrın 1-də ABŞ Prezidenti Cozef Baydenlə görüşəcək.

“Ukrayna Prezidenti və birinci xanım Yelena Zelenskaya Prezident Cozef Baydenin dəvəti ilə ABŞ-a işgüzar səfərə gəliblər. Səfərin gündəliyinə liderlərin təkbətək və nümayəndə heyətlərinin geniş tərkibdə görüşləri daxildir”, – deyə məlumatda qeyd edilir.

Ukrayna Prezidentinin ofisindən qeyd edilib ki, Zelenskinin ABŞ məmurları ilə bir sıra mühüm görüşləri də nəzərdə tutulur: “Ukrayna və ABŞ nümayəndələri bir sıra sənədlər imzalayacaqlar”.

Səfər proqramı bir neçə günü əhatə edir və Ukrayna Prezidenti bu müddətdə ABŞ-ın Şərq və Qərb sahillərindəki şəhərlərə gedəcək, Kaliforniyada Amerika biznesmenləri ilə görüşəcək.