Paşinyan rus bazasını çıxarmaq istəyir: İrəvanda gərginlik

Ermənistanın baş naziri Nikol Paşinyan, Gümrüdə yerləşən 102-ci Rusiya hərbi bazasının ölkədən çıxarılması məsələsini gündəmə gətirib. Paşinyan, bu bazanın Ermənistana təhlükəsizlik baxımından heç bir fayda vermədiyini bildirib. O, Rusiyanın bazanı geri çəkmək istədiyi təqdirdə, Ermənistanın buna hazır olduğunu vurğulayıb.

Minval.info xəbər verir ki, Paşinyanın bu açıqlamaları İrəvanda gərginliyə səbəb olub. Siyasi analitiklər, bu addımın Ermənistanın təhlükəsizlik siyasətində ciddi dəyişikliklərə yol aça biləcəyini qeyd edirlər. Ekspertlər, Rusiyanın bu bazanı geri çəkməkdə maraqlı olmadığını və bunun regionda güc balansını dəyişdirə biləcəyini bildirirlər.

Siyasi şərhçi Azər Qasımov, Paşinyanın bu addımının əslində Qərb alyansının istəyi ilə əlaqəli olduğunu və Rusiyanın bu bazanı Ermənistandan çıxarmayacağını vurğulayıb. O, 102-ci bazanın Rusiyanın cənub cinahında strateji əhəmiyyət daşıdığını və uzun müddət orada qalacağını qeyd edib.