Zəfərə aparan Talış-Suqovuşan əməliyyatı haqqında yeni faktlar

Baku TV-nin “Qarabağ xronikası” verilişinin sonuncu buraxılışında İkinci Qarabağ müharibəsi zamanı Talış kəndi və Suqovuşan qəsəbəsinin azad edilməsi əməliyyatlarının hərbi-strateji əhəmiyyəti müzakirə olunub. Bu əməliyyatların uğuru Azərbaycanın müharibədəki qələbəsinə mühüm təsir göstərib.

Minval.info xəbər verir ki, Talış-Suqovuşan istiqamətindəki əməliyyatlarda Azərbaycan Ordusu illərlə möhkəmləndirilmiş mühəndis-istehkam sistemlərini və minalanmış əraziləri aşaraq, düşmənin müdafiə xəttini yarmağı bacardı. Bu, hakim yüksəkliklərin nəzarətə götürülməsi ilə nəticələndi.

Hərbi manevrlər nəticəsində oktyabrın 3-də Suqovuşan qəsəbəsi və strateji mövqelər azad edildi. Düşmən tərəfi ağır canlı qüvvə və texnika itkisinə məruz qaldı. Bununla yanaşı, əməliyyatların təşəbbüskar idarəetməsi və sızma əməliyyatları böyük uğurla həyata keçirildi.

ƏLAQƏLİ

Bunu da oxu

Rusiya hərbi əməliyyatları nəticəsində Dobropilyedə 70 bina nəzarətə götürülüb

03.10.2026 - 14:50

Talış-Suqovuşan əməliyyatının nəticəsində Qarabağdakı erməni qüvvələrinin təxminən 87 faizi bu istiqamətə cəlb edildi. Bu, daha geniş strateji manevrin bir hissəsi idi. Şimal-şərqdə düşmənin böyük qüvvələrinin ilişməsi və strateji yolların nəzarətə götürülməsi, digər istiqamətlərə manevr imkanlarını məhdudlaşdırdı.

Ermənistan komandanlığının cəbhə boyunca qüvvə və ehtiyatları idarə etmək imkanlarının azalması, cənubda Azərbaycan Ordusunun əldə etdiyi yarılmanı dərinləşdirməsinə şərait yaratdı. Cənub cəbhəsində müdafiə sistemi ardıcıl şəkildə dağıdıldı və Silahlı Qüvvələr döyüşləri Qarabağın dərinliyinə daşıdı. Əməliyyatların kulminasiyası isə Şuşanın azad edilməsi oldu.