Zaur baxşəliyev tiktok mübahisəsinə yeni baxış gətirdi: Dünya texnologiya ilə irəliləyir, biz isə əxlaqı müzakirə edirik

Teleaparıcı Zaur Baxşəliyevin Mətbuat Şurasının sədri Rəşad Məcidin “TikTok”la bağlı paylaşımına verdiyi cavab sosial mediada geniş müzakirələrə səbəb olub. Yazıçının “TikTok”un kitabları əvəz edə bilməyəcəyi fikrinə qarşılıq olaraq, Zaur Baxşəliyev bu platformanın əxlaqi dəyərlərə təsirini müzakirə etməyin artıq vaxt itkisi olduğunu bildirib.

Minval.info xəbər verir ki, Zaur Baxşəliyev paylaşımında “Bu nə yanaşmadır? Dünya süni intellektin inkişafı ilə məşğuldur, biz isə hələ də TikTok-un əxlaqımıza təsirini danışırıq. Başqalarının həyatına qarışmaqdan vaz keçin!” deyə qeyd edib. Aparıcının bu sözləri sosial şəbəkələrdə müxtəlif reaksiyalar doğurub. Bəzi istifadəçilər onun fikirlərini tənqid edərək, “TikTok”un xüsusilə gənclərin davranışlarına mənfi təsir etdiyini vurğulayıb.

Sosioloq Mail Yaqub “TikTok”un insan əxlaqına mənfi təsirinin qaçılmaz olduğunu bildirib. O, “TikTok”un və digər sosial şəbəkələrin açıq-saçıqlıq və zorakılıq səhnələri ilə dolu olduğunu və bu məzmunların insan psixologiyasına təsir etdiyini vurğulayıb. Yaqub, sosial şəbəkələrin boşanmaların artmasında da rol oynadığını qeyd edərək, bu məsələnin ciddiyə alınmasının vacibliyini ifadə edib.

ƏLAQƏLİ

Bunu da oxu

Mil-Muğanda yeni təyinat: Murad həsənli nazirlikdə yüksəldi

06.08.2026 - 17:01

Sosioloq, şəxsi həyatın evdə olduğunu, lakin sosial mediada qeyri-etik davranışların ictimailəşdiyini və bunun artıq şəxsi məsələ olmadığını bildirib. O, hər kəsin sosial mediada davranışlarına diqqət etməsi və məsuliyyətini dərk etməsi lazım olduğunu vurğulayıb.