Zaqatalada gecə saatlarında dəhşətli qəza: 17 yaşlı sürücü və sərnişinlər xəsarət aldı

Zaqatalada baş verən avtomobil qəzası nəticəsində dörd nəfər müxtəlif dərəcəli xəsarətlər alıb, onlardan biri ağır vəziyyətdədir.

Minval.info xəbər verir ki, hadisə gecə saatlarında Qax-Zaqatala avtomobil yolunun Yuxarı Tala kəndi ərazisində baş verib. 17 yaşlı Məhərrəm Rasim oğlu Ramazanovun idarə etdiyi “Lada Priora” markalı avtomobilin idarəetməsini itirməsi nəticəsində nəqliyyat vasitəsi yol kənarına aşıb.

Qəza nəticəsində sürücü Məhərrəm Ramazanov və avtomobildə olan sərnişinlər – 17 yaşlı Tunar Rizvan oğlu Ramazanov, 17 yaşlı Sənan Kamil oğlu Şabanov və 22 yaşlı Qismət Hikmət oğlu Əliyev müxtəlif xəsarətlər alıblar. Yaralılar Zaqatala Rayon Mərkəzi Xəstəxanasının Cərrahiyyə Korpusuna yerləşdirilib. Tunar Ramazanovun vəziyyəti ağır, digər yaralıların vəziyyəti isə orta ağır olaraq qiymətləndirilir.