Yollarda təhlükə artır: DYP-dən ciddi xəbərdarlıq

Son günlər yollarda baş verən ağır yol-nəqliyyat hadisələrinin artması sürücülərin yol hərəkəti qaydalarına daha ciddi əməl etməsini tələb edir. Baş Dövlət Yol Polisi İdarəsinin inspektoru, polis kapitanı Elvin Hacıyev bildirib ki, hər bir ağır qəzanın arxasında yalnız nəqliyyat vasitələrinin toqquşması deyil, həm də insan həyatı və ailələrin yaşadığı böyük faciələr dayanır.

Minval.info xəbər verir ki, Elvin Hacıyevin sözlərinə görə, yolda verilən bir anlıq yanlış qərar uzun illər davam edən ağır nəticələrə səbəb ola bilər. Bu səbəbdən sürücülər sükan arxasında daha diqqətli olmalı, sürət həddinə və digər yol hərəkəti qaydalarına ciddi riayət etməlidirlər. O, yol hərəkəti iştirakçılarını məsuliyyətli davranmağa çağıraraq qeyd edib ki, təhlükəsizliyin təmin olunmasında hər bir sürücünün davranışı mühüm rol oynayır.