Yeni mənzillərin açarlarının jurnalistlərə təqdim olunacağı vaxt məlum oldu

Sabah jurnalistlər üçün inşa olunmuş ikinci binada mənzillərin açarlarının təqdimetmə mərasimi keçiriləcək. Minval.İnfo-nun Movqe.az-a istinadən verdiyi məlumata görə, tədbirdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov da iştirak edəcək. Jurnalistlərə mənzillərin açarları sabah saat 11:00-da Beynəlxalq Mətbuat Mərkəzində təqdim ediləcək.

Qeyd edək ki, Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktou Vüqar Səfərli  ötən həftə mətbuata verdiyi açıqlamasında binanın istismara tam hazır olduğunu, sənədləşmə işlərinin başa çatdığını bildirmişdi.

Xatırladaq ki, jurnalistlər üçün tikilən ikinci yaşayış binasının açılışı iyulun 20-də – Milli Mətbuat Günü ərəfəsində Azərbaycan Prezidenti İlham Əliyevin iştirakı ilə baş tutub. Bibiheybət qəsəbəsində  inşa edilən və istismara tam hazır olan binada 255 mənzil var.