“YAŞAT” Fondu qazilərimizə və şəhid ailələrinə nə qədər vəsait xərcləyib?

“Bu günə qədər “Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fonduna (“YAŞAT” Fondu) vətəndaşlar tərəfindən 30 milyon manata yaxın ianə edilib”.

Bunu Real TV-yə müsahibəsində Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bildirib.

Onun sözlərinə görə, demək olar ki, toplanan məbləğin yarısı xərclənib:

“30 milyon 456 min manat toplanan vəsait var. Onlardan 14,7 milyon manatı xərclənib. Hər kəs vəsaitin hara xərclənməsi barədə məlumatı fondun portalında görə bilər”.