Azərbaycanda "Stop-Kredit" xidməti istifadəyə verilib

“Azərbaycan Kredit Bürosu” (AKB) MMC tərəfindən hazırlanan rəqəmsal kredit tarixçəsi platforması olan “Findoc” portalında yeni “Stop-Kredit” xidməti istifadəyə verilib. Baku.ws-ın məlumatına görə, bu yenilik vətəndaşlara kredit risklərini idarə etməkdə kömək edəcək.

Yeni xidmət, Azərbaycan Mərkəzi Bankının bu il iyunun 25-də təsdiqlədiyi qaydalara əsasən, vətəndaşlara rəqəmsal kanallar vasitəsilə istehlak kreditlərinin rəsmiləşdirilməsinə və ya kredit limitlərinin artırılmasına könüllü məhdudiyyət tətbiq etmək imkanı tanıyır. Bu, maliyyə xidmətlərində risklərin azaldılması və istehlakçıların hüquqlarının qorunması məqsədilə nəzərdə tutulub.

Xidmətdən istifadə etmək üçün vətəndaşlar “Findoc” portalına və ya mobil tətbiqinə daxil olaraq şəxsi kabinetləri vasitəsilə müvafiq sorğu yerləşdirə bilərlər. Oktyabrın 1-dən etibarən kredit təşkilatları məsafədən kredit rəsmiləşdirilməzdən öncə bu məhdudiyyətin mövcudluğunu yoxlamalıdırlar.

ƏLAQƏLİ

Bunu da oxu

Rusiyadan Azərbaycana mal ixracında 1 milyard dollar azalma

08.10.2026 - 16:18

“Stop-Kredit” xidmətini vətəndaşlar istədikləri zaman ləğv edə və ya yenidən aktivləşdirə bilərlər. Portal real-vaxt rejimində, 7/24 fəaliyyət göstərir və hazırda 225 mindən artıq qeydiyyatlı istifadəçisi vardır.

Qeyd edək ki, AKB 2018-ci ildə yaradılıb və onun nizamnamə kapitalı 2 milyon manat təşkil edir. Büronun təsisçiləri arasında “Azərbaycan Beynəlxalq Bankı”, “Bank Respublika”, “Xalq Bank” və digər 5 bank yer alır.