Yasamalda qurumuş ağac təhlükə saçır

Bakının Yasamal rayonu, Xiyabani küçəsi, 4 ünvanında yerləşən qurumuş ağac sakinlər arasında ciddi narahatlıq yaradıb. Təxminən iki ildir qurumuş olan bu ağacın təhlükəli vəziyyətdə olduğu bildirilir. Sakinlər dəfələrlə aidiyyəti qurumlara müraciət etsələr də, hələ də heç bir tədbir görülməyib.

Minval.info xəbər verir ki, ağacın gövdəsi yaxınlıqdakı qaz borusuna söykənib və kökləri ətraf ərazidə torpağın qalxmasına səbəb olub. Bu vəziyyət, ağacın aşması halında yaxınlıqdakı binalara və avtomobillərə ciddi ziyan vurma ehtimalını artırır. Sakinlər ağacın tezliklə kəsiləcəyinə dair vədlər alsalar da, bu günə qədər heç bir tədbir görülməyib.