Yasamalda qurumuş ağac təhlükə saçır: Tədbir alın!

Bakının Yasamal rayonunda yerləşən qurumuş ağac ətraf mühit və insanlar üçün təhlükə yaradır. 2-ci Alatava ərazisində, Çuxursəəd küçəsində yerləşən bu ağacın kökündən çürüməyə başladığı bildirilir. Sakinlər ağacın vəziyyətinə uzun müddətdir heç bir qurum tərəfindən müdaxilə edilmədiyini qeyd edirlər. Onlar güclü külək zamanı ağacın aşaraq insanlara və ətrafdakı əmlaka zərər verə biləcəyindən narahatdırlar. “Bir az güclü külək əssə, kimin üstünə aşacağı bilinmir. Xahiş edirik, məsələni işıqlandırsınlar və əraziyə baxış keçirərək tədbir görsünlər”, – deyə sakinlər bildiriblər.