Yardımlı rayonunda gələn ilin məhsulu üçün əkinəyararlı 1458 hektar sahədə şum aparılıb. İndiyədək rayonda 477 hektar sayə taxıl səpilib. Bunun 438 hektarı buğda, 39 hektarı isə arpadır.

Minval.info xəbər verir ki, bu barədə AZƏRTAC-ın bölgə müxbirinə Yardımlı Rayon Statistika İdarəsindən məlumat verilib.

Bildirilib ki, rayonda kənd təsərrüfatı bitkilərinin əkini işlərində ailə kəndli və ev təsərrüfatlarının rolu xüsusi ilə böyükdür. Əkin kampaniyasında, həmçinin qeyri-dövlət mülkiyyətinə aid kənd təsərrüfatı yönümlü fərdi fermer və kollektiv müəssisələr üzrə subyektlər də fəalıq göstərirlər.