Yaqut Qarayeva: "İndiki koronavirus xəstələrinin vəziyyəti əvvəlkilərlə müqayisədə çox ağırdır"

“Bugünkü xəstələrimiz mart və aprel aylarındakı xəstələrimizdən çox fərqlənir. Bugünkü xəstələrimiz çox ağırdır. Çünki virus mutasiyaya uğrayıb”.

“Minval” xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva Nazirlər Kabineti yanında Operativ Qərargahın brifinqində deyib.

“Biz orta və cavan yaşda xəstələrimizdə çox ciddi xəstəliklər görürük”, – o bildirib.