Yalçın Rzazadənin oğlu: "Atamın qidalanmasında problemlər var"
“Atamın səhhətində hələlik heç bir irəliləyiş yoxdur”.
Bunu “Report”a açıqlamasında Türkiyədəki xəstəxanalardan birində müalicə olunan Xalq artisti, müğənni Yalçın Rzazadənin oğlu Orxan Rzazadə deyib.
Onun sözlərinə görə, atasının müalicəsi davam etdirilir: “Sistemlər qoşulub, müalicələr öz axarı ilə gedir. Bütün günü həkim nəzarətindədir. Qidalanmasında problemlər var. Bəzən yemək və içməkdən imtina edir. Əməliyyat olunandan sonra da şikayətləri var. Həkimlər deyirlər ki, Yalçın Rzazadə uçuruma gedirdi, biz onu uçuruma düşməkdən xilas etmişik. Sadəcə burada həkimlər əvvəlcədən heç bir məlumat vermirlər. Ona görə də atamın növbəti dəfə əməliyyat olunub-olunmayacağı barədə heç bir məlumatımız yoxdur”.
Qeyd edək ki, Heydər Əliyev Fondunun prezidenti Mehriban Əliyevanın tapşırığına əsasən, Xalq artisti Yalçın Rzazadənin səhhəti ilə bağlı məsələləri Fond nəzarətinə götürüb. Y.Rzazadə müayinə və müalicə olunması üçün Türkiyənin İstanbul şəhərindəki xəstəxanalardan birinə aparılıb. O, bir neçə gün bundan əvvəl müalicə aldığı xəstəxanada əməliyyat olunub.
Xatırladaq ki, 73 yaşlı Y.Rzazadənin mədəsində bir neçə yara aşkarlanıb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
"Həmin gündən düz 47 il keçdi" - Fotolar
Rəşidə Behbudova ailə səadətini paylaşdı: İzləyicilər heyran qaldı
Azərbaycanlı professor türk dünyasının nüfuzlu elm mükafatına layiq görüldü
Flora Kərimovanın nəvəsi evlənir: Xalq artistindən duyğusal təbrik
Fəxrəddin Manafovun həyat hekayəsi: Futboldan kinoya uzanan yol
Cahangir Novruzovun Nəsibə Neynalova ilə unudulmaz mübahisəsi
