Xocavənddə traktor minaya düşdü: Sürücü yaralandı

Xocavənd rayonunun Düdükçü kəndi ərazisində mina partlayışı baş verib. Hadisə 2026-cı il 21 avqust tarixində qeydə alınıb. Sumqayıt şəhər sakini, 1983-cü il təvəllüdlü Ramal Qiyas oğlu Şirinovun idarə etdiyi traktor minaya düşüb və nəticədə sürücü müxtəlif bədən xəsarətləri alıb.

Minval.info xəbər verir ki, hadisə ilə bağlı Xocavənd rayon prokurorluğunda araşdırma aparılır. Daxili İşlər Nazirliyi, Baş Prokurorluq və Minatəmizləmə Agentliyi vətəndaşları təhlükəsizlik qaydalarına riayət etməyə çağırır. Onlar mina təhlükəsi işarələrinə diqqət yetirməyi, şübhəli əşyalara toxunmamağı və çəpərləmə fəaliyyəti aparılan ərazilərə müdaxilə etməməyi tövsiyə edirlər.