Xırdalanda sakinlər tikinti şirkətindən narazıdır

Xırdalan şəhərində yaşayan bir qrup sakin, tikinti şirkətinin fəaliyyətinin onların həyatını təhlükə altına aldığını iddia edir. Eldar Həziyev adlı sakin, iki həftə əvvəl Baku TV-nin eyni ünvanda çəkiliş apardığını xatırladıb.

Minval.info xəbər verir ki, Həziyev “EkoPark” yaşayış kompleksinin yanında tikilən hasarın təhlükə yaratdığını öncədən bildirdiyini deyib. Onun sözlərinə görə, bu narahatlıq qısa müddət sonra gerçək olub.

“Tikilən 18 metrlik hasar evimin üstünə çöküb. Yataq otaqlarına girmək artıq mümkün deyil. Hər an daşlar pəncərədən içəri düşə bilər. Çox pis vəziyyətdəyik”, – deyə o bildirib.

ƏLAQƏLİ

Bunu da oxu

Yanvar, May və Sentyabrda doğulanların sirli dünyası: Xarakterlərindəki gizli məqamlar

01.08.2026 - 00:17

Şikayətçi Şəxsiyyət Həziyeva da tikinti işlərinin başladığı andan etibarən şirkəti dəfələrlə təhlükə barədə xəbərdar etdiklərini, lakin narahatlıqlarının nəzərə alınmadığını qeyd edib: “Tikinti başlayandan onlara deyirdik ki, ev tərpənir, təhlükə var. Təxminən 10 gün əvvəl də şirkətə gedib demişdim ki, bu hasar bizim üstümüzə gələcək. Mənə ‘narahat olmayın’ dedilər. Amma külək əsən kimi hasar uçdu”.

Şirkətin nümayəndəsi isə sualları cavablandırmaqdan yayınıb.