Xəzər dənizində hərbi təlimdə faciə: 12 əsgər həlak oldu

Qazaxıstanın Xəzər dənizi sahilində keçirilən hərbi təlim zamanı baş verən faciə nəticəsində 12 əsgər həlak olub. AK Partiyanın sözçüsü Ömər Çelik bu hadisə ilə bağlı dərin kədərini ifadə edərək, sosial media hesabında başsağlığı mesajı yayımlayıb.

Minval.info xəbər verir ki, Çelik, “Qardaş Qazaxıstanda, Xəzər dənizindəki hərbi təlim zamanı baş verən qəza nəticəsində 12 əsgərin şəhid olduğunu dərin bir kədər hissi ilə öyrəndik,” deyə açıqlama verib. O, həlak olanların ailələrinə və Qazaxıstan xalqına başsağlığı diləklərini çatdırıb.

Ömər Çelik həmçinin davam edən axtarış-xilasetmə işlərinə də toxunaraq, “Elan olunan milli yas günündə Qazaxıstanlı qardaşlarımızın acısını dərindən paylaşır, davam edən axtarış-xilasetmə işlərindən yaxşı xəbərlər alacağımıza ümid edirik. Acınız bizim acımızdır,” ifadələrini işlədib.

ƏLAQƏLİ

Bunu da oxu

İran strateji hərbi vasitələrini mühafizə olunan ərazilərə yerləşdirdi

26.09.2026 - 18:13

Hava şəraiti faciəyə səbəb oldu

Qəza, Qazaxıstanın qərbində yerləşən Manqistau bölgəsində, cümə axşamı günü keçirilən hərbi təlim zamanı baş verib. Qazaxıstan Müdafiə Nazirliyinin məlumatına görə, hava şəraitinin qəfildən pisləşməsi və küləyin şiddətlənməsi nəticəsində 17 əsgər Xəzər dənizinə sürüklənib.

İlk məlumatlarda doqquz əsgərin həyatını itirdiyi bildirilirdi, lakin Manqistau bölgə rəhbərliyi daha sonra itkilərin sayının 12-yə yüksəldiyini açıqlayıb.