Xətai rayonunda üç küçə bağlanır!

Bakının Xətai rayonunda təmir işləri ilə əlaqədar olaraq sentyabrın 12-də saat 07:00-dan etibarən üç küçədə nəqliyyatın hərəkəti məhdudlaşdırılacaq. Minval.info xəbər verir ki, bu məhdudiyyət Abdulla Rəhimov, İlqar Abbasov və Həzi Aslanov küçələrində tətbiq olunacaq.

Azərbaycan Avtomobil Yolları Dövlət Agentliyindən verilən məlumata görə, təmir işləri başa çatanadək bu məhdudiyyətlər qüvvədə qalacaq. Sürücülərdən hərəkət istiqamətlərinə uyğun olaraq alternativ yollardan istifadə etmələri və aparılan işlərə anlayışla yanaşmaları xahiş olunur.