Xalq artisti afaq bəşirqızının nəvəsi vətənə xidmətə yollandı: “Səninlə qürur duyuram

Xalq artisti afaq bəşirqızının nəvəsi vətənə xidmətə yollandı: "Səninlə qürur duyuram

Xalq artisti Afaq Bəşirqızı nəvəsi Əhmədpaşanı hərbi xidmətə yola saldı. Aktrisa bu anı öz instaqram hesabında paylaşaraq, nəvəsinə uğurlar arzulayıb.

Minval.info xəbər verir ki, Afaq Bəşirqızı paylaşımında nəvəsinin Vətənə xidmət edəcəyini vurğulayıb və onunla qürur duyduğunu bildirib. “Sən bu gün Vətənə xidmətə yollanırsan. Nənə ürəyi üçün səndən ayrılmaq çətindir, amma səninlə sonsuz qürur duyuram. Allah səni hər addımında qorusun, yolunu açıq, qismətini gözəl etsin,” deyə aktrisa qeyd edib.

Aktrisa, həmçinin, nəvəsinə güclü və mərd olmağı, böyüklərinə hörmət etməyi və dostlarına dayaq olmağı tövsiyə edib. “Vətənə şərəflə xidmət edib sağ-salamat evimizə qayıtmağın ən böyük arzumdur,” deyə o əlavə edib.