"Women'secret" mağazası müştəriləri necə aldadır? - FOTOFAKTLAR
Bakıda brend geyimlərin satışı ilə məşğul olan mağazalarla bağlı tez-tez şikayətlərə rast gəlirik.
Yenicag.az xəbər verir ki, bunlardan biri də “Park Bulvar”da fəaliyyət göstərən “Women’secret” mağazasıdır.
Belə ki, Lalə Qulammirzəyeva martın 12-də sözügedən mağazadan 382 manat dəyərində məhsul alıb. Kartla ödəniş edən müştəri daha sonra bayram tətili üçün rayona yollanıb.
O, bir neçə gün sonra 68 manata aldığı şalvarda defekt olduğunu aşkarlayıb. Belə ki, xanım şalvardan istifadə edən zaman məhsul öz-özünə cırılıb.
Bayram tətilindən qayıdan Lalə Qulammirzəyeva qarşılaşdığı durumla bağlı mağazaya müraciət etsə də, ona sərt reaksiya verilib. Mağazanın sahibi olduğu deyilən Rəhilə Rzayeva müştərinin şikayəti qarşılığında heç bir köməklik göstərə bilməyəcəyini, qanunların onun vecinə olmadığını bildirib.
Mağazanın sahibi müştəri məmnuniyyətini unudaraq, alıcıya qarşı sərt çıxışı ilə yadda qalıb.
Durumdan şikayətçi olan Lalə Qulammirzəyeva ölçü götürülməsi üçün aidiyyatı qurumlara müraciət edəcəyini bildirir.
Qeyd edək ki, qanuna əsasən, əgər alınan mal istehlakçının tələblərinə cavab vermirsə, 14 gün müddətində qaytarıla və ya dəyişdirilə bilər.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Uşaqların yaddaşı və məntiqi düşüncəsi zəifləyə bilər
Sosial şəbəkələrdə yayılan bu sənəd saxtadır
Pensiya kapitalında dəyişikliklərə dair rəsmi açıqlama
Hamilə müəllimə ilə müqavilə bağlanmamasının səbəbi açıqlandı
Qadınlara hamiləlik və doğum müavinətində mühüm yeniliklər
Şəhid ailələrinə 20 min manat müavinət veriləcək
Sosial şəbəkələrdəki ölümcül trend: bu qarışıq təhlükə saçır
