Vüsalə Əlizadə oyuncaqlara etiraz etdi: “Uşaqlara travmadır”

Aparıcı Vüsalə Əlizadə mağazada satılan bəzi uşaq oyuncaqları ilə bağlı paylaşımı ilə diqqət çəkib.

Minval.info xəbər verir ki, aparıcı təsadüfən uşaq oyuncaqları satılan bölməyə daxil olduğunu və bəzi gəlinciklərin görünüşünü bəyənmədiyini bildirib.

Vüsalə Əlizadə həmin oyuncaqların uşaqlar üçün uyğun olmadığını deyərək bunları söyləyib:

“Bu, gəlinciklər niyə satılır? Bunlar necə eybəcərdir… Bu gəlinciyin sırğası belə ola bilməz. Qiymətə hələ baxın. Uşaqlara travmadır. Hamısı da bahadır. Elə bil iflic keçiriblər”.

Aparıcının paylaşımı sosial şəbəkələrdə müzakirələrə səbəb olub. Bəzi istifadəçilər onun fikirləri ilə razılaşdıqlarını bildirərkən, digərləri bunu şəxsi zövq məsələsi kimi qiymətləndiriblər.