Vəsilə Vahidqızı yeni vəzifəyə təyin edildi - FOTO

Diasporla İş üzrə Dövlət Komitəsində struktur və kadr dəyişikliyi olub.

Minval.info Axşam.az-a istinadən xəbər verir ki, komitənin təbliğat, informasiya və analitik təhlil şöbəsinin müdiri Aqil Əsədov tutduğu vəzifədən azad olunub.

Digər əmrlə Dövlət Komitəsinin Mətbuat katibi vəzifəsi ləğv olunub və həmin şöbəyə birləşdirilib. Qurumun mətbuat katibi Vəsilə Vahidqızı da Təbliğat, informasiya və analitik təhlil şöbəsinin müdiri təyin edilib. V. Vahidqızı faktı saytımıza təsdiqləyib.

“İctimai televiziya fəaliyyətə başladığı gündən orada çalışmışam. 2008-ci ildə isə Diasporla İş üzrə Dövlət Komitəsində mətbuat katibi kimi fəaliyyətimi davam etdirmişəm. Fuad Muradovun əmri ilə yeni vəzifəyə təyin edildim”, – deyə şöbə müdiri bildirib.