63 ölkədə məktəblər açılıb. 53 ölkədə məktəblərin açılması ilə bağlı elan verilib. 

Minval.info xəbər verir ki, bunu yeni tədris ilində məktəblərin fəaliyyəti ilə bağlı keçirilən brifinqdə Təhsil naziri Emin Əmrullayev deyib.

O bildirib ki, təhsil müəsisələrinin açılması virusun yayılmasına təsir edən amildir:”Amma uşaqların təhsil alması da önəmlidir. Ona görə də ən vacib olan qərar verilib. Təhsil müəssisələrinin fəaliyyəti bərpa edilməlidir. Bu diferensial olmalıdır, bu o deməkdir ki, öyrənənlərin yaş xüsusiyyətləri nəzərə alınaraq qərar qəbul edilməlidir. Uşaqlara qayğı lazımdır, qayğının isə distant təşkili mümkün deyil. Eyni zamanda, məktəbəqədər uşaqların da onlayn təhsili mümkün ola bilməz. Epidemioloji vəziyyət nəzərə alınaraq uşaq bağçalarının fəaliyyətinə icazə verilir.