"Ukrayna ordusu Mariupolda sonadək vuruşacaq”

Ukrayna ordusu mühasirədə qalmış liman şəhəri Mariupolun müdafiəsini davam etdirirlər və Rusiya qoşunlarına qarşı sonadək vuruşacaqlar.

APA-nın BBC-yə istinadən xəbərinə görə, bunu Ukrayna baş naziri Denis Şmıqal ABŞ-ın “ABC” telekanalına müsahibəsində deyib.

O, Rusiyanın Mariupolun təslim olması üçün bazar gününədək verdiyi son tarixə məhəl qoyulmadığını deyib:

“Şəhər hələ də təslim olmayıb. Orada hələ də bizim hərbi qüvvələrimiz, bizim əsgərlərimiz var və onlar sonadək vuruşacaqlar. Onlar indi də Mariupoldadırlar”.