Üç əməliyyat, bir faciə: Estetik əməliyyatdan sonra həyatını itirən ananın hekayəsi

Üç uşaq anası olan Nərmin Zeynalova, estetik əməliyyatdan sonra həyatını itirdi. Bacısı Günay Əsgərova, bu faciəvi hadisənin ardından həkim və xəstəxana ilə bağlı ciddi ittihamlar irəli sürdü.

Minval.info xəbər verir ki, Günay Əsgərova bacısının fevralın 17-də qarın nahiyəsindəki artıq dərini və piyləri çıxarmaq məqsədilə abdominoplastika əməliyyatı keçirdiyini bildirib. Əməliyyatdan sonra xəstəxanada bir neçə gün qalan Nərmin, evə döndükdən sonra vəziyyəti pisləşib. Həkimə müraciət etsələr də, lazımi müalicə təyin edilməyib.

Əsgərova, bacısının vəziyyətinin getdikcə ağırlaşdığını və həkimin yalnız iki dərman – seftriakson antibiotik və ketonal təyin etdiyini qeyd edib. Daha sonra məlum olub ki, Nərminə üç əməliyyat icra olunub: abdominoplastika, liposaksiya və popofilinq. Bu əməliyyatlardan sonra yalnız antibiotiklə müalicə edilməsi isə vəziyyəti daha da pisləşdirib və nəticədə Nərmin evdə boğularaq vəfat edib.

ƏLAQƏLİ

Bunu da oxu

Yol qəzası "Sabah"ın oyununun startını gecikdirir: "Orhus"la həyəcan dolu qarşılaşma 21:00-da başlayacaq

05.08.2026 - 20:32

Günay Əsgərova, həkimin əməliyyat zamanı xəstəyə ailəsindən xəbərsiz qan vurduğunu və bu barədə onlara məlumat verilmədiyini də bildirib. Nərminin ölüm səbəbi kimi tromb göstərilsə də, həkimin bu vəziyyətə uyğun müalicə təyin etmədiyi iddia olunur. Ailə, xəstəxanaya ödənilən 3600 manatın geri qaytarılması üçün də mübarizə aparıb.

Əsgərova, klinika rəhbərliyinin yas mərasiminə gələrək ailəyə maddi yardım təklif etdiyini, lakin bunun qəbul edilmədiyini vurğulayıb. O, həkimin və xəstəxananın məsuliyyət daşıdığını və bu məsələdə cavab verməli olduqlarını bildirib.