Tovuzda yeni doğulan körpə həkim səhlənkarlığı nəticəsində xəsarət alıb?

Qurumdan AZXEBER.COM-a daxil olan məlumatda qeyd olunub ki, 1992-ci il təvəllüdlü ana sentyabrın 4-də Tovuz Rayon Mərkəzi Xəstəxanasına yerləşdirilib. 38-39 həftəlik hamilə olan pasiyent həmin gün qeysəriyyə əməliyyatı ilə çəkisi 3 500 qram, boyu 52 sm olan körpə dünyaya gətirib. Körpə doğularkən fizioloji sarılığı olub: “Sentyabrın 7-də körpənin zəif qidalanması müşahidə edilib. Bu səbəbdən ona damardaxili infuzion müalicə aparılıb. Bundan sonra körpənin qidalanması bərpa olub, vəziyyəti qənaətbəxş olduğu üçün 10.09.2022-ci il tarixində evə buraxılıb. Ailəsi tərəfindən körpənin səhhətində narahatlıq müşahidə edildiyi üçün bir neçə digər tibb müəssisəsinə müraciət edilib. Sözügedən müəssisələrdə də körpəyə tibbi xidmət göstərilib.