"Tottenhem" klubunda koronavirusa kütləvi yoluxma qeydə alınıb

İngiltərənin “Tottenhem” klubunda koronavirusa kütləvi yoluxma qeydə alınıb.

Minval.info “Mirror”a istinadən xəbər verir ki, London təmsilçisində 6 nəfərin testi müsbət çıxıb.

Lakin onların neçəsinin futbolçu olduğu açıqlanmayıb.

Qeyd edək ki, Antonio Kontenin baş məşqçi olduğu komanda dekabrın 9-da UEFA Konfrans Liqasının qrup mərhələsinin VI turunda Fransa “Renn”ini qəbul edəcək. Qarşılaşma Bakı vaxtı ilə saat 24:00-da başlayacaq.