“Tofaş” “07”ni sıxıb qəzaya saldı – VİDEO

Bakı şəhər sakini düşdüyü avtomobil qəzasına görə “Tofaş” markalı avtomobilin sürücüsündən şikayətçidir.

Elvin Məcidov keçirdiyi yol nəqliyyat hadisəsində ona qarşı olan haqsızlığa görə Avtosfer.az saytına müraciət edib. Bildirib ki, yanvarın 22-də səhər saat 07:00 radələrində idarə etdiyi “VAZ 2107” markalı 10-MF-488 qeydiyyat nişanlı avtomobilə Qara Qarayev prospektinin sol zolağı ilə hərəkətdə olarkən sağ zolaqla hərəkət edən “Tofaş” markalı avtomobilin sürücüsü sol zolağa yerdəyişmə edən zaman ona yol verməyib: “Onunla toqquşmamaq üçün avtomobili azca sola çəkdim və nəticədə ayırıcı zolağa çıxaraq işıq dirəyinə dəydim. Hadisə yerinə polis əməkdaşları gəldi. Lakin indi Nizami rayon DYP Şöbəsi bu işə laqeyd və qeyri-obyektiv yanaşır. Nizami rayon DYP-nin əməkdaşı Malik mənimlə olmayacaq tərzdə danışaraq “Tofaş” markalı avtomobili idarə edən sürücünün günahının olmamasını qeyd edir. Avtomobilimdə quraşdırdığım videoqeydiyyatçı həmin hadisəni qeydə alıb. Həmin görüntülərdən aydın şəkildə görünür ki, “Tofaş”ın sürücüsü “Yol hərəkəti haqqında” qanunun 42-ci maddəsinin V hissəsinin tələbini pozub.

Buna görə də, qəzaya səbəb olan həmin sürücünün “Təhlükəsiz şəhər” kamerası ilə aşkar olunmasını və məsuliyyətə cəlb olunmasını, həmçinin işıq dirəyinə dəyən zərərin ödənilməsini tələb edirəm”.

Minval.info

https://www.youtube.com/watch?time_continue=78&v=ZavOArgmO1E