Tibb ixtisasları üzrə keçid balları yüksəldi
2026-cı ildə ali təhsil müəssisələrinin IV ixtisas qrupu üzrə qəbul nəticələrində tibb və səhiyyə yönümlü ixtisasların keçid ballarında əsasən artım müşahidə olunub.
Minval.info xəbər verir ki, Dövlət İmtahan Mərkəzinin 2025 və 2026-cı illər üzrə açıqladığı məlumatlara əsasən, Azərbaycan Tibb Universitetində Tibb ixtisasının keçid balı 2025-ci ildə 624,3 olduğu halda, 2026-cı ildə 638,5 bala yüksəlib. Beləliklə, bu ixtisas üzrə keçid balı bir il ərzində 14,2 bal artıb. Hər iki ildə dövlət sifarişi üzrə keçid balı da eyni göstəricidə formalaşıb.
İngilis dilində tədris olunan Tibb ixtisasında da artım qeydə alınıb. Bu ixtisas üzrə keçid balı 2025-ci ildə 683,7, 2026-cı ildə isə 692,8 bal olub. İllik artım 9,1 bal təşkil edib.
Azərbaycan Tibb Universitetində Stomatologiya ixtisasının keçid balı 2025-ci ildə 615,5 olduğu halda, 2026-cı ildə 627,8 bala çatıb. Bununla da göstərici 12,3 bal yüksəlib.
Fizioterapiya ixtisasında keçid balı 603,4-dən 616,5 bala, İctimai səhiyyədə isə 593-dən 606,6 bala yüksəlib. Artım müvafiq olaraq 13,1 və 13,6 bal təşkil edib.
Əczaçılıq ixtisasında 2025-ci ildə keçid balı 580,6 olub. 2026-cı ildə isə ödənişli əsaslarla keçid balı 586,2, dövlət sifarişi üzrə 587,4 bal təşkil edib. Ötən illə müqayisədə ödənişli əsaslarla göstərici 5,6, dövlət sifarişi üzrə isə 6,8 bal yüksəlib.
Azərbaycan Tibb Universitetində müqayisə olunan ixtisaslar arasında azalma Tibb bacısı (qardaşı) işi üzrə qeydə alınıb. Bu ixtisasın keçid balı 2025-ci ildə 547,8 olduğu halda, 2026-cı ildə 517,6 bala düşüb. Beləliklə, 30,2 ballıq azalma baş verib.
Naxçıvan Dövlət Universitetində də Tibb və Stomatologiya ixtisasları üzrə keçid ballarında artım müşahidə olunub. Universitetdə Tibb ixtisasının keçid balı 2025-ci ildə 604,1, 2026-cı ildə isə 622,2 bal təşkil edib. Göstərici bir il ərzində 18,1 bal yüksəlib.
İngilis dilində tədris olunan Tibb ixtisasının keçid balı isə 607,3-dən 624,6 bala çatıb. Bu ixtisas üzrə artım 17,3 bal olub.
Naxçıvan Dövlət Universitetində Stomatologiya ixtisası üzrə 2025-ci ildə ödənişli əsaslarla keçid balı 600,4, dövlət sifarişi üzrə isə 600,9 olub. 2026-cı ildə hər iki göstərici 620,6 bal təşkil edib. Beləliklə, ödənişli əsaslarla keçid balı 20,2, dövlət sifarişi üzrə isə 19,7 bal artıb.
İctimai səhiyyə ixtisasında da artım qeydə alınıb. 2025-ci ildə 582 olan keçid balı 2026-cı ildə 588,7 bala yüksəlib.
Əczaçılıq ixtisasında isə əks dinamika müşahidə olunub. Naxçıvan Dövlət Universitetində bu ixtisas üzrə keçid balı 2025-ci ildə 566,7 olduğu halda, 2026-cı ildə 508,9 bala enib. Azalma 57,8 bal təşkil edib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Bakıda IRONMAN yarışı üçün yollar bağlanır
Qərb mediasının Azərbaycana qarşı qərəzli kampaniyası
Renat Dadaşov Ukraynanın 'Bukovina' klubunda!
Bakıda göz rəngi əməliyyatı görməni zəiflətdi
Bakıda arıçılıq məhsullarının yarmarkası başlayır
Gənclik Mall önündə tıxacın gizli səbəbi açıqlandı
Azərbaycanın demoqrafik gələcəyi təhlükədədir
